Novas

O Máster Plan de Coruña Marítima saíu hoxe de novo a concurso público cos cambios que se aprobaron no último Consello de Administración da Autoridade Portuaria, orientados a facilitar o acceso de profesionais á licitación. O acordo foi enviado este luns ao Diario Oficial da Unión Europea e hoxe xa está dispoñible na Plataforma de Contratación do Estado. O prazo para presentar candidaturas ábrese ata o 5 de novembro.

Poderán presentarse todos os profesionais e empresas que estean interesados, que deberán cumprir os requisitos de solvencia que esixe o procedemento, como ocorre en calquera concurso público, e contar cos equipos necesarios para desenvolver o proxecto.

As bases da licitación manteñen a necesidade de que as candidaturas que opten a redactar o Máster Plan conten con equipos multidisciplinares, nos que haxa profesionais con experiencia en urbanismo, paisaxismo, arquitectura, hidroloxía, portos, ferrocarrís e mobilidade, entre outros ámbitos, dado que se trata de reordenar un ámbito superior a un millón de metros cadrados nunha contorna complexa e diversa. Ademais do Máster Plan en si, o adxudicatario deberá redactar numerosos documentos complementarios.

A nova licitación responde á resolución do Tribunal Administrativo Central de Recursos Contractuais, por mor dos recursos que presentaran varios arquitectos. Así, valoraranse proxectos previos de urbanismo en cidades de máis de 10.000 habitantes, fronte a poboacións de máis de 150.000 habitantes que se pedían no prego anterior. E, en canto a proxectos anteriores en edificios dotacionais, puntuaranse as referencias previas en edificios con orzamentos superiores a 5 millóns, en lugar de 100 millóns de euros.

En calquera caso, só será necesario que un dos membros do equipo teña esta experiencia previa.

Ademais, co obxecto de lle dar coherencia a todo o prego, axústanse na mesma liña outros requisitos de solvencia, non só no campo da arquitectura, senón tamén no da enxeñería, de forma que se admitirán traballos previos máis sinxelos. A licitación que se realizou o pasado 28 de maio xa obtivera unha ampla concorrencia, cunha importante participación de UTE (once en total), que engloban a un total de 36 empresas do ámbito internacional e local, así como de firmas nacionais con delegación na Coruña.

Prazos

O prazo estimado para seleccionar o adxudicatario estímase nun máximo de 12 meses, polo que está previsto que o concurso estea resolto a principios do outono de 2026, momento no que o gañador xa terá que publicar unha maqueta de todo o proxecto. A partir de aí, deberá presentar no verán-outono de 2027 o Máster Plan e todos os anexos e documentos complementarios.

Despois, unha vez que se empece a traballar sobre os desenvolvementos e as pezas concretas do ámbito portuario e ferroviario, iranse convocando concursos concretos para cada un dos espazos.

As bases do concurso, cun importe total de 3.015.000 euros, determinan dúas fases. Nunha primeira fase, seleccionaranse un máximo de cinco candidaturas entre as ofertas que se reciban. Na selección teranse en conta a experiencia dos equipos en traballos previos, o currículo e os premios obtidos na súa traxectoria profesional. Búscase tamén primar a calidade e complexidade dos traballos previos, non a cantidade.

Cada unha das cinco ofertas será valorada con criterios que terán en conta a calidade técnica da proposta, a súa funcionalidade, os aspectos ambientais e os aspectos económicos. Nesta avaliación, da que sairá a adxudicataria do Máster Plan, o órgano de contratación apoiarase nun comité de expertos.

Acordos estratéxicos

O Máster Plan deberá cumprir cos catorce acordos estratéxicos aprobados pola Comisión Coruña Marítima, así como coas conclusións do proceso de participación cidadá. Os acordos recollen diversas medidas para reforzar a actividade portuaria, impulsar novas actividades económicas, mellorar a mobilidade na cidade e as conexións coa área metropolitana, construír equipamentos públicos (entre eles un edificio emblemático que caracterice a intervención), e potenciar as zonas verdes e a sustentabilidade en toda a área.

O Máster Plan abarcará todo o ámbito do porto interior, desde o dique de abrigo ata a dársena de Oza e a estación de mercadorías de San Diego. Deberá ser ambicioso, innovador, propositivo e flexible, cun proxecto que reflicta a esencia da Coruña. Tal como se recolle expresamente nas bases, a solución proposta debe ser “coruñesa”, que entenda a escala e o espírito da Coruña.

 

O Consello de Administración da Autoridade Portuaria de A Coruña aprobou hoxe venres a nova licitación do Máster Plan de Coruña Marítima. O acordo será publicado nos próximos días no Diario Oficial da Unión Europea e na Plataforma de Contratación do Estado, e a partir de aí abrirase un prazo de 30 días naturais para que as empresas e profesionais presenten as súas candidaturas.

A licitación aprobouse coa unanimidade de todos os membros do Consello de Administración da Autoridade Portuaria, na que están representadas as administracións que forman parte da Comisión Coruña Marítima. Poderán presentarse todos os profesionais e empresas que estean interesadas, que deberán cumprir os requisitos de solvencia que esixe o procedemento e contar cos equipos necesarios para desenvolver o proxecto.

As bases da licitación manteñen a necesidade de que as candidaturas que opten a redactar o Máster Plan conten con equipos multidisciplinares, nos que haxa profesionais con experiencia en urbanismo, paisaxismo, arquitectura, hidroloxía, portos, ferrocarrís e mobilidade, entre outros ámbitos, dado que se trata de reordenar un ámbito superior a un millón de metros cadrados nunha contorna complexa e diversa. Ademais do Máster Plan en si, o adxudicatario deberá redactar numerosos documentos complementarios, entre eles a nova DEUP do porto interior, o Plan Especial do porto e a modificación do PXOM, ademais de estudos técnicos completos referidos ás implicacións ambientais, socioeconómicas, paisaxísticas ou hidrolóxicas, e tamén ás infraestruturas de transporte, usos portuarios, patrimonio, etcétera.

Así mesmo, as bases manteñen que polo menos un membro do equipo desenvolvese un plan ou proxecto de urbanización ou paisaxismo. En caso contrario, a candidatura non podería acceder á fase de avaliación.

Procedemento

A nova licitación da resposta á resolución do Tribunal Administrativo Central de Recursos Contractuais, por mor dos recursos que presentaran varios arquitectos. O órgano especializado en contratación pública concluíu que o procedemento que guía a convocatoria é axeitado para un prego destas características, aínda que estableceu que debían xustificarse ou, no seu caso, retirarse, dous requisitos que se establecían aos proxectos e plans que se presenten para a avaliación da experiencia previa dos equipos: que as referencias estivesen localizadas en núcleos de poboación con máis de 150.000 habitantes, e a participación na redacción de proxectos de edificios dotacionais de máis de 100 millóns de euros.

Atendendo a iso, facilitarase o acceso ao concurso, que sairá de novo a licitación coa modificación destas cláusulas e a xustificación dos motivos relativos á experiencia necesaria.

Respecto á necesaria experiencia previa en cidades de máis de 150.000 habitantes, na nova licitación este requisito de solvencia establécese en poboacións de máis de 10.000 habitantes, baremo a partir do cal o Instituto Xeográfico Nacional considera como cidade a un núcleo de poboación urbana.

En canto ao segundo dos requisitos, poderán ser valoradas as referencias de proxectos en edificios dotacionais con orzamentos superiores a 5 millóns de euros.

A licitación que se realizou o pasado 28 de maio obtivera unha ampla concorrencia, cunha importante participación de UTEs (once en total), que engloban a un total de 36 empresas do ámbito internacional e local, así como de firmas nacionais con delegación na Coruña.

Prazos

O prazo estimado para seleccionar ao adxudicatario estímase nun máximo de 12 meses, polo que está previsto que o concurso estea resolto a principios do outono de 2026. A partir de aí, a empresa gañadora deberá presentar no verán-outono de 2027 o Máster Plan e todos os anexos e documentos complementarios.

Despois, unha vez que se empece a traballar sobre os desenvolvementos e as pezas concretas do ámbito portuario e ferroviario, iranse convocando concursos concretos para cada un dos espazos.

As bases do concurso, cun importe total de 3.015.000 euros, prevén dúas fases. Nunha primeira fase, seleccionaranse un máximo de cinco candidaturas entre as ofertas que se reciban. Na selección teranse en conta a experiencia dos equipos en traballos previos, o currículo e os premios obtidos na súa traxectoria profesional. Búscase tamén primar a calidade e complexidade dos traballos previos, non a cantidade.

Cada unha das cinco ofertas será valorada con criterios que terán en conta a calidade técnica da proposta, a súa funcionalidade, os aspectos ambientais e os aspectos económicos. Nesta avaliación, da que sairá a adxudicataria do Máster Plan, o órgano de contratación apoiarase nun comité de expertos.

Acordos estratéxicos

O Máster Plan deberá cumprir cos catorce Acordos Estratéxicos aprobados pola Comisión Coruña Marítima, así como coas conclusións do proceso de participación cidadá. Os acordos recollen diversas medidas para reforzar a actividade portuaria, impulsar novas actividades económicas, mellorar a mobilidade na cidade e as conexións coa área metropolitana, construír equipamentos públicos, entre eles un edificio emblemático que caracterice a intervención, e potenciar as zonas verdes e a sustentabilidade en todo a área.

O Máster Plan abarcará todo o ámbito do porto interior, desde o dique de abrigo ata a dársena de Oza, e a estación de mercadorías de San Diego. Deberá ser ambicioso, innovador, propositivo e flexible, cun proxecto que reflicta a esencia da Coruña. Tal como recóllese expresamente nas Bases, a solución proposta debe ser “coruñesa”, que entenda a escala e o espírito da Coruña. Non se pretende importar solucións doutros sitios, aínda que alí fosen exitosas e sexa necesario o seu estudo, senón que se busca unha solución ad hoc para A Coruña, que entenda a alma coruñesa, a súa tradición, a súa historia e o seu genius loci.

Declaracións

Ao termo do Consello de Administración, o primeiro tenente de alcalde do Concello da Coruña, Jose Manuel Lage Tuñas, sinalou que “este é un proxecto de cidade que trasciende o mandato e no que todos temos acadado un consenso fundamental. Agora o que facemos é dotar a este proceso da máxima transparencia e da máxima participación para abrir este concurso a todos os profesionais que desexen presentarse”.

Pola súa parte, o presidente da Autoridade Portuaria da Coruña, Martín Fernández Prado, engadiu que “xa na primeira ocasión houbo moita participación local, pero aínda queremos, na medida do posible, que se incremente ao máximo posible e que todo o coñecemento local que queira poda incorporarse”.

O conselleiro de Presidencia, Xustiza e Deportes, Diego Calvo, subliñou tamén o compromiso do Goberno galego con este proxecto, indicando que conta “cun amplo acordo entre todas as institucións e cun maioritario respaldo da sociedade coruñesa, co convencemento de que Coruña Marítima servirá para dar un novo impulso ao porto coruñés e ao conxunto da cidade”.

Puertos del Estado mostrou, así mesmo, a súa satisfacción pola liña de consenso que mantén todo o proxecto de Coruña Marítima, que, engadiu o organismo estatal, “está enfocado de forma adecuada para acometer en los próximos años la gran transformación del puerto de A Coruña con criterios de calidad y sostenibilidad económica y social”. “Será una de las intervenciones más relevantes en entornos puerto-ciudad de todo el sistema portuario español, en la línea de los objetivos incluidos en el Marco Estratégico de Puertos del Estado, orientado a favorecer nuevos usos en los espacios portuarios y promover el desarrollo y la integración urbana para mejorar la calidad de vida en las ciudades marítimas”.

O Tribunal Administrativo Central de Recursos Contractuais resolveu os recursos que se presentaron á licitación do Máster Plan de Coruña Marítima, e no seu acordo valida o procedemento que se aplica para a selección das candidaturas, solicitando únicamente que se xustifiquen dous requisitos.

Os recursos foran presentados polo Colexio Oficial de Arquitectos de Galicia, a Escola de Arquitectura de A Coruña e un grupo de profesionais por entender que as bases, entre outras cuestións, incluían criterios restritivos que colocaban aos arquitectos internacionais por encima dos locais.

O Tribunal conclúe que as bases do concurso cumpren os requisitos necesarios para un prego destas características e que os criterios de selección son adecuados, xa que non pide que se modifiquen. A resolución do órgano especializado en contratación pública establece, como únicas esixencias, que o concurso salga de novo a licitación, pero incorporando a xustificación de ter experiencia en traballos similares en cidades de máis de 150.000 habitantes, e de que as empresas ou profesionais acrediten tamén experiencia en proxectos de edificios singulares con orzamentos superiores a 100 millóns de euros, ou ben retirando ambos requisitos.

No caso do recurso interposto polo Colexio de Arquitectos, non se considerou válido ao entender o Tribunal que o órgano colexial carece de lexitimación para presentalo; e, sobre o recurso da Escola de Arquitectura, aínda non se recibiu a resolución.  

Desta forma, a Autoridade Portuaria informará ó resto de administracións que participan na Comisión Coruña Marítima e volverá realizar a licitación, este mesmo mes, debendo optar por manter os dous requisitos citados, xustificándoos debidamente no prego, ou retiralos das bases. As características do concurso e a forma de presentación de ofertas estarán de novo dispoñibles nese momento na plataforma de Contratación do Estado, á que se pode acceder directamente desde o Perfil do Contratante da páxina web da Autoridade Portuaria da Coruña.

A licitación que se realizou o pasado 28 de maio obtivera unha ampla concorrencia, cunha importante participación de UTEs, que engloban a un total de 36 empresas do ámbito internacional e local, así como de firmas nacionais con delegación na Coruña. Tamén se lles comunicará oficialmente a resolución do Tribunal Administrativo.

Ao dispoñer de folgura nos tempos establecidos, a nova licitación non altera de forma significativa o calendario previsto para a presentación do Máster Plan. O prazo estimado para seleccionar ao adxudicatario estímase nun máximo de 12 meses, polo que, ao saír agora de novo a licitación, está previsto que o concurso estea resolto a finais do verán ou principios do outono de 2026. A partir de aí, a empresa gañadora deberá presentar en 2027 o Máster Plan e diferentes documentos complementarios.

Consenso entre administracións

A posta en marcha do concurso produciuse o pasado mes de maio tras a aprobación das bases polo Consello de Administración da Autoridade Portuaria e, previamente, pola Comisión Coruña Marítima, da que forman parte o Concello da Coruña, Xunta de Galicia, Ministerio de Transportes e Movilidad Sostenible, Puertos del Estado, ADIF e a Autoridade Portuaria, ademais dos tres grupos políticos municipais.

As bases do concurso, cun importe total de 3.015.000 euros, prevén dúas fases na elaboración do documento. Nunha primeira fase, seleccionaranse un máximo de cinco candidaturas entre as ofertas que se reciban. Como se explicou xa en maio, poderán presentarse todas as empresas e os profesionais que o desexen, que deben cumprir os requisitos de solvencia que esixe a normativa e contar cun equipo multidisciplinar no que figuren profesionais con experiencia en urbanismo, paisaxismo, arquitectura, portos, ferrocarrís e mobilidade, entre outros ámbitos. Na selección teranse en conta a experiencia dos equipos en traballos similares, o currículo e os premios obtidos na súa traxectoria profesional.

As cinco candidaturas seleccionadas terán un prazo de cinco meses para presentar as súas propostas. Cada oferta será valorada con criterios que avalarán a calidade técnica da proposta, a súa funcionalidade, os aspectos ambientais e os aspectos económicos. Nesta avaliación, da que sairá a candidatura adxudicataria do Máster Plan, o órgano de contratación apoiarase nun comité de expertos.

Acordos estratéxicos

O Máster Plan deberá cumprir coas Bases Estratéxicas e cos catorce Acordos Estratéxicos aprobados pola Comisión Coruña Marítima, así como coas conclusións do proceso de participación cidadá. Os acordos recollen diversas medidas para reforzar a actividade portuaria, impulsar novas actividades económicas, mellorar a mobilidade na cidade e as conexións coa área metropolitana, construír equipamentos públicos, entre eles un edficio emblemático que caracterice a intervención, e potenciar as zonas verdes e a sustentabilidade en todo a área.

O Máster Plan abarcará todo o ámbito do porto interior, desde o dique de abrigo ata a dársena de Oza, e a estación de mercadorías de San Diego. Deberá ser ambicioso, innovador, propositivo e flexible, cun proxecto que reflicta a esencia da Coruña.

Tal como recóllese expresamente nas Bases, a solución proposta debe ser “coruñesa”, que entenda a escala e o espírito da Coruña. Non se pretende importar solucións doutros sitios, aínda que alí fosen exitosas e sexa necesario o seu estudo, senón que se busca unha solución ad hoc para A Coruña, que entenda a alma coruñesa, a súa tradición, a súa historia e o seu genius loci.

Así, o proxecto debe ser contemporáneo e participar das últimas tendencias mundiais, pero, ao mesmo tempo, ten que reflectir a esencia coruñesa. Debe ser un proxecto internacional e local ao mesmo tempo, que reflicta a alma da Coruña e do seu porto. “O cidadán ten que ser consciente de que se atopa na Coruña e non en calquera outro espazo sen personalidade”, indica o documento.

O concurso internacional para elaborar o Máster Plan de Coruña Marítima xa está en marcha, coa publicación das bases e os pregos técnicos no Diario Oficial da Unión Europea e na Plataforma de Contratación do Estado.

As empresas interesadas poden presentar as súas solicitudes de participación durante un prazo de 45 días hábiles, ata o 1 de agosto. Todas as características da licitación e a forma de presentación de ofertas están dispoñibles na citada plataforma, á que se pode acceder directamente desde o Perfil do Contratante da páxina web da Autoridade Portuaria da Coruña.

A posta en marcha do concurso prodúcese tras a aprobación das bases polo Consello de Administración da Autoridade Portuaria e, previamente, pola Comisión Coruña Marítima, da que forman parte o Concello da Coruña, Xunta de Galicia, Ministerio de Transportes y Movilidad Sostenible, Puertos del Estado, ADIF e a Autoridade Portuaria, ademais dos tres grupos políticos municipais.

As bases do concurso, cun importe total de 3.015.000 euros, prevén dúas fases na elaboración do documento. Nunha primeira fase, seleccionaranse un máximo de cinco candidaturas entre as ofertas que se reciban. Poderán presentarse todas as empresas e os profesionais que o desexen, que deben cumprir os requisitos de solvencia que esixe a normativa e contar cun equipo multidisciplinar no que figuren profesionais con experiencia en urbanismo, paisaxismo, arquitectura, portos, ferrocarrís e mobilidade, entre outros ámbitos. Na selección terase en conta a experiencia dos equipos en traballos similares, o currículo e os premios obtidos na súa traxectoria profesional.

As cinco candidaturas seleccionadas terán un prazo de cinco meses para presentar as súas propostas. Cada oferta será valorada con criterios que avaliarán a calidade técnica da proposta, a súa funcionalidade, os aspectos ambientais e os aspectos económicos. Nesta avaliación, o órgano de contratación apoiarase nun comité de expertos.

O prazo estimado para seleccionar ao adxudicatario estímase en 12 meses, polo que o concurso estará resolto sobre o mes de xuño de 2026. A partir de aí, a empresa gañadora deberá presentar no verán de 2027 o Máster Plan e diferentes documentos complementarios, entre eles a nova Delimitación de Espazos e Usos Portuarios, a modificación do Plan Xeral de Ordenación Urbana, informes ambientais ou o establecemento de requerimentos para o deseño dun edificio singular que caracterice a intervención.

Tamén deberá presentar unha maqueta física do Máster Plan, un vídeo en 3D da proposta e un espazo virtual de realidade inmersiva, así como realizar unha exposición pública do Plan, todo iso co obxectivo de que os cidadáns poidan coñecer as súas características.

Orzamento

O desglose do orzamento total é o seguinte:

2.615.000 euros: a empresa adxudicataria da redacción do Máster Plan e os documentos complementarios.

80.000 euros: prima para cada unha das cinco propostas seleccionadas. En total: 400.000 euros.

Ademais, consígnanse 300.000 euros para financiar a asistencia técnica ao órgano de contratación durante todo o proceso de licitación.

Este orzamento será cofinanciado polas seis administracións que forman parte da Comisión Coruña Marítima.

Acordos estratéxicos

O Máster Plan deberá cumprir coas Bases Estratéxicas e cos catorce Acordos Estratéxicos aprobados pola Comisión Coruña Marítima, así como coas conclusións do proceso de participación cidadá que se desenvolveu nas últimas semanas. Os acordos recollen diversas medidas para reforzar a actividade portuaria, impulsar novas actividades económicas, mellorar a mobilidade na cidade e as conexións coa área metropolitana, construír equipamentos púbicos e potenciar as zonas verdes e a sustentabilidade en toda a intervención.

O Máster Plan abarcará todo o ámbito do porto interior, desde o dique de abrigo ata a dársena de Oza, e a estación de mercadorías de San Diego. Deberá ser ambicioso, innovador, propositivo e flexible, cun proxecto que reflicta a esencia da Coruña.

Tal como recóllese expresamente nas Bases, a solución proposta debe ser “coruñesa”, que entenda a escala e o espírito da Coruña. Non se pretende importar solucións doutros sitios, aínda que alí fosen exitosas e sexa necesario o seu estudo, senón que se busca unha solución ad hoc para A Coruña, que entenda a alma coruñesa, a súa tradición, a súa historia e o seu genius loci.

Así, o proxecto debe ser contemporáneo e participar das últimas tendencias mundiais, pero, ao mesmo tempo, ten que “supurar” a esencia coruñesa. Debe ser un proxecto internacional e local ao mesmo tempo, que reflicta a alma da Coruña e do seu porto. “O cidadán ten que ser consciente de que se atopa na Coruña e non en calquera outro espazo sen personalidade”, indica o documento.

O Consello de Administración da Autoridade Portuaria da Coruña realizou esta mañá unha reunión extraordinaria na que, como único punto da orde do día, se aprobou a licitación do Máster Plan de Coruña Marítima.

A sesión comezou ás 12.30 horas. Dada a transcendencia do asunto, asistiron á reunión Alfonso Rueda, presidente da Xunta de Galicia; Inés Rey, alcaldesa do Concello da Coruña; José Antonio Santano, secretario de Estado de Transportes e Movilidad Sostenible; Gustavo Santana, presidente de Puertos del Estado, e Juan Pablo Villanueva, director xeral de Negocio e Cliente de ADIF. Estiveron representadas así as seis institucións que, xunto á Autoridade Portuaria, cofinanciarán o Máster Plan.

A licitación culmina un ano de traballo, desde que, o 22 de maio de 2024, se asinase no Concello da Coruña o protocolo Coruña Marítima, no que as administracións que teñen competencias nos espazos portuarios e ferroviarios plasmaron o seu obxectivo de acometeren a reordenación de todo o ámbito.

Tras a sinatura do protocolo, constituíuse a Comisión Coruña Marítima, cun comité técnico de apoio, e acordouse convocar a redacción dun Máster Plan, como punto de partida para desenvolver o proxecto nos próximos anos.

Dúas fases

As bases do concurso, cun importe total de 3.015.000 euros, prevén dúas fases na elaboración do documento. Nunha primeira fase, seleccionaranse un máximo de cinco candidaturas entre as ofertas que se reciban. Poderán presentarse todas as empresas e os/as profesionais que o desexen, que deben cumprir os requisitos de solvencia que esixe a normativa e contar cun equipo multidisciplinar no que figuren profesionais con experiencia en urbanismo, paisaxismo, arquitectura, portos, ferrocarrís e mobilidade, entre outros ámbitos.

Da análise das candidaturas, adxudicaráselle o Máster Plan ao equipo mellor valorado, con criterios obxectivos que avaliarán a calidade técnica da proposta, a súa funcionalidade, os aspectos ambientais e os aspectos económicos.

O prazo estimado para seleccionar o adxudicatario estímase en 12 meses, polo que o concurso estará resolto sobre maio-xuño de 2026. A partir de aí, a empresa gañadora deberá presentar no verán de 2027 o Máster Plan e diferentes documentos complementarios, entre eles a nova Delimitación de Espazos e Usos Portuarios, a modificación do Plan xeral de ordenación urbana, informes ambientais ou o establecemento de requirimentos para o deseño dun edificio singular que caracterice a intervención.

Publicación

Tras a aprobación por parte do Consello de Administración da Autoridade Portuaria, a licitación publicarase nos próximos días no Diario Oficial da Unión Europea e na Plataforma de Contratación do Estado.

O detalle do orzamento total é o seguinte:

2.615.000 euros: a empresa adxudicataria da redacción do Máster Plan e os documentos complementarios.

80.000 euros: prima para cada unha das cinco propostas seleccionadas. En total: 400.000 euros.

Ademais, consígnanse 300.000 euros para financiar a asistencia técnica ao órgano de contratación durante todo o proceso de licitación.

Acordos estratéxicos

O Máster Plan deberá cumprir coas bases estratéxicas e cos catorce acordos estratéxicos aprobados pola Comisión Coruña Marítima, así como coas conclusións do proceso de participación cidadá que se desenvolveu nas últimas semanas. Os acordos recollen diversas medidas para reforzar a actividade portuaria, impulsar novas actividades económicas, mellorar a mobilidade na cidade e as conexións coa área metropolitana, construír equipamentos públicos e potenciar as zonas verdes e a sustentabilidade en toda a intervención.

O Máster Plan abarcará todo o ámbito do porto interior, desde o dique de abrigo ata a dársena de Oza, e a estación de mercadorías de San Diego. Deberá ser ambicioso, innovador, propositivo e flexible, cun proxecto que reflicta a esencia da Coruña.

Con anterioridade ao comezo da reunión do Consello de Administración, Alfonso Rueda, Inés Rey, José Antonio Santano e Gustavo Santana asinaron no Libro de ouro da Autoridade Portuaria da Coruña.

O equipo técnico que traballa no desenvolvemento do proxecto Coruña Marítima ultima estes días os pregos técnicos que rexerán a licitación do Máster Plan para a transformación dos espazos portuarios e ferroviarios da Coruña.

A comisión Coruña Marítima, presidida pola alcaldesa da Coruña, Inés Rey, e na que están representadas as seis administracións que teñen competencias no ámbito (Concello da Coruña, Xunta de Galicia, Ministerio de Transportes e Mobilidade Sostible, Puertos del Estado, ADIF e Autoridade Portuaria da Coruña), ademais dos grupos políticos municipais, parte dunha formulación ambiciosa, ao considerarse que é unha grande oportunidade para mellorar do porto e da cidade. Así, o Máster Plan deberá analizar toda a zona de servizo do porto, desde o dique de abrigo ata o peirao de Oza, con criterios de excelencia e sustentabilidade.

Prevese que a licitación se leve a cabo durante este mes de maio, con anuncios públicos no Diario Oficial da Unión Europea e na plataforma de contratación do Estado. Poderanse presentar todas e todos os profesionais e empresas que estean interesados, que deberán cumprir os requisitos de solvencia económica establecidos pola Lei de contratos do sector público, como sucede en todos estes procedementos, e acreditar unha experiencia nesta clase de traballos técnicos.

Para garantir a calidade das ofertas, esixirase que os licitadores teñan experiencia en traballos de natureza similar ao Máster Plan do porto, como poden ser a redacción de plans directores, plans xerais de ordenación urbana ou plans especiais de transformación noutras contornas cidadás, cunha superficie mínima de 25 hectáreas ou, en contornas porto-cidade cunha superficie mínima de 10 hectáreas. Tamén deben adscribir un equipo técnico multidisciplinar, con experiencia en urbanismo, paisaxismo, arquitectura, portos, ferrocarrís, mobilidade, hidroloxía ou medio ambiente, ademais dos ámbitos lexislativos e económicos.

Entre todas as proposicións, seleccionaranse cinco candidatos/as mediante unha serie de criterios obxectivos, entre os que figuran a experiencia da empresa, o currículo do equipo nos campos de urbanismo, paisaxismo, arquitectura e enxeñería, e os premios obtidos polas empresas ou polo equipo proposto.

Cada unha das cinco candidaturas seleccionadas recibirá unha prima de 80.000 euros por preparar a súa proposta, cun prazo de cinco meses. Para iso, daráselles acceso á documentación necesaria, incluíndo as bases estratéxicas e os acordos estratéxicos do proxecto, así como o resultado do proceso de participación cidadá.

Este proceso, cuxas conclusións se presentaron nun acto público o 9 de maio, serviu para mellorar as bases e obxectivos iniciais. Reforzáronse conceptos como a mobilidade metropolitana, as áreas verdes, a captación de actividades económicas ou a potenciación da actividade portuaria, e foron referendados pola sociedade os acordos da comisión Coruña Marítima, como son a sustentabilidade de toda a intervención, o uso da lámina de auga, a introdución de usos mixtos na área de San Diego ou a construción de equipamentos de cidade.

De análise das cinco candidaturas, adxudicaráselle o Máster Plan ao equipo mellor valorado, con criterios obxectivos que avaliarán a calidade técnica da proposta, a súa funcionalidade, os aspectos ambientais e os aspectos económicos.

O prazo estimado para seleccionar o adxudicatario estímase en 12 meses, polo que o concurso estará resolto sobre maio-xuño de 2026. A partir de aí, a empresa gañadora terá un prazo dun ano para presentar o Máster Plan. O orzamento para elaboralo é de 2,6 millóns de euros e incluirá a redacción de diferentes documentos complementarios, entre eles a nova Delimitación de espazos e usos portuarios, a modificación do Plan xeral de ordenación urbana, informes ambientais ou o establecemento de requirimentos para o deseño dun edificio singular que caracterice a intervención. En todo caso, o Máster Plan debe ser innovador e flexible, con distintos escenarios de desenvolvemento a medio e longo prazo, dado o alcance do traballo, a súa complexidade e a necesidade de adaptación ás necesidades do porto e da cidade.

El proyecto Coruña Marítima ha dado esta mañana un nuevo paso adelante con la presentación pública de las principales conclusiones del proceso participativo, que se puso marcha con el fin de recabar aportaciones de la sociedad de cara a la transformación de los espacios del puerto interior.

El acto, que se celebró en el espacio Avenida, con elevada afluencia de público, comenzó con una inauguración institucional, en la que participaron la alcaldesa de A Coruña, Inés Rey; el conselleiro de Presidencia, Xustiza e Deportes, Diego Calvo; la subdelegada del Gobierno en A Coruña, María Rivas, y el presidente de la Autoridad Portuaria de A Coruña, Martín Fernández Prado. En sus intervenciones destacaron la gran oportunidad que supone para la ciudad la integración de los muelles urbanos, así como la unión de las administraciones como elemento fundamental para que el proyecto pueda salir adelante con éxito, y agradecieron la participación de los coruñeses con propuestas muy interesantes e innovadoras que serán incorporadas al planteamiento y desarrollo de Coruña Marítima.

A continuación, el director de la Autoridad Portuaria de A Coruña, Juan Diego Pérez Freire, detalló los resultados del proceso participativo. Recordó que las Bases Estratégicas del proyecto fueron remitidas a más de mil entidades de la ciudad, que se creó una página web específica con un buzón de sugerencias, además de cuentas oficiales en redes sociales, y que se celebraron cinco talleres temáticos, abiertos al diálogo con los ciudadanos, en los que más de sesenta expertos y los propios asistentes aportaron opiniones y sugerencias acerca de las mencionadas Bases Estratégicas.

Entre los resultados destaca el hecho de que cerca de 38.000 personas visualizaron de forma activa la información sobre el proyecto, y que más de 150 personas trasladaron aportaciones, realizando en total cerca de 700 sugerencias diferentes.

Como conclusiones más significativas, Pérez Freire señaló que la gran mayoría de las aportaciones fueron relativas a mejoras en la movilidad urbana y las conexiones con el área metropolitana, el impulso a la movilidad ciclista y peatonal, la creación de zonas y corredores verdes, la potenciación de nuevas actividades económicas y de innovación, o la importancia de reforzar las actividades portuarias, especialmente la pesca.

Como resultado de este proceso, indicó que estas sugerencias serán incorporadas a las Bases Estratégicas del proyecto y que han servido para mejorar y reformular los Acuerdos Estratégicos aprobados por la comisión Coruña Marítima. Incluso han llevado a añadir dos nuevos acuerdos, centrados en las infraestructuras verdes y la economía, con lo que se trabajará a partir de ahora con 14 Acuerdos Estratégicos, divididos en cinco bloques: ámbito portuario, movilidad, ámbito ciudadano, ámbito ambiental y ámbito económico. No obstante, puso de manifiesto que tanto los especialistas como los colectivos sociales y los ciudadanos particulares refrendaron en sus propuestas más del 95% del contenido de las Bases y Acuerdos preexistentes, al considerarlos adecuados a las necesidades del puerto y de la ciudad. Las nuevas Bases y Acuerdos Estratégicos, y un resumen del proceso participativo, estarán disponibles a partir de hoy en la web www.corunamaritima.com. Además, en los próximos días se subirán también a la web las aportaciones que realizaron los colectivos y ciudadanos mediante el buzón de sugerencias.

Tras la intervención del director de la Autoridad Portuaria de A Coruña, el Foro Coruña Marítima continuó con la participación de Teófila Martínez, presidenta de la Autoridad Portuaria de Cádiz y de RETE (Asociación para la colaboración entre puertos y ciudades), y de David Pino, director del Port Vell de Barcelona, que lo hizo por videoconferencia. Ambos expusieron interesantes reflexiones sobre diferentes modelos de transformaciones portuarias y felicitaron a las instituciones coruñesas y a los ciudadanos por el proyecto Coruña Marítima.

La jornada concluyó con un acto de clausura en el que tomaron parte Belén do Campo, delegada territorial de la Xunta en A Coruña; José Manuel Lage, concejal de Economía y Planificación Estratégica; Pilar Parra, directora corporativa de Puertos del Estado; Teófila Martínez, presidenta de la Autoridad Portuaria de Cádiz y de RETE, y Martín Fernández Prado, presidente de la Autoridad Portuaria de A Coruña.

Comisión Coruña Marítima

Previamente al evento ciudadano, se celebró en el mismo espacio Avenida una reunión de la comisión Coruña Marítima, presidida por la alcaldesa de A Coruña, Inés Rey, y en la que están representadas las seis administraciones que tienen competencias en el ámbito (Ayuntamiento de A Coruña, Xunta de Galicia, Ministerio de Transportes y Movilidad Sostenible, Puertos del Estado, ADIF y Autoridad Portuaria de A Coruña), además de los grupos políticos municipales.

En la reunión se refrendaron las nuevas Bases y Acuerdos Estratégicos del proyecto, como consecuencia de las aportaciones de la sociedad coruñesa en el proceso participativo. Las Bases aún podrán ser objeto de modificaciones de carácter técnico.

Con todo ello, se prevé convocar en el presente mes de mayo el concurso internacional multidisciplinar para definir el Máster Plan que regirá la transformación de los espacios portuarios y ferroviarios. Este Máster Plan deberá ser propositivo, flexible e innovador, y exponer una visión a medio y largo plazo, contemplando distintos escenarios de desarrollo.

O desenvolvemento do proxecto Coruña Marítima continúa coa presentación aos cidadáns das conclusións do proceso participativo. O acto celebrarase o vindeiro venres 9 de maio, ás 9:30 da mañá, no Espazo Avenida do Cantón Grande da Coruña. Será de entrada libre.

A inauguración institucional deste evento contará coas intervencións de Inés Rey, alcaldesa da Coruña; Diego Calvo, conselleiro de Presidencia, Xustiza e Deportes; Pilar Parra, directora corporativa de Puertos del Estado, e Martín Fernández Prado, presidente da Autoridade Portuaria da Coruña.

Posteriormente, o director da Autoridade Portuaria, Juan Diego Pérez Freire, expoñerá os resultados máis relevantes do proceso participativo e os próximos pasos que están previstos para avanzar no proxecto.

A continuación realizarase unha mesa sobre as intervencións en espazos portuarios, con dous relatores de referencia neste ámbito: Teófila Martínez, presidenta da Asociación Internacional para a Colaboración entre Puertos y Ciudades (RETE), e David Pino, director de Port Vell, que explicará o proceso de transformación da zona máis antiga do Porto de Barcelona.

A cita servirá para compartir o resultado da fase de consulta implementada nos últimos meses, co envío, en primeiro lugar, das Bases Estratéxicas aprobadas o pasado 24 de xaneiro na reunión da Comisión Coruña Marítima, na que están representadas as seis administracións que forman parte do proxecto: Concello da Coruña, Xunta de Galicia, Ministerio de Transportes e Mobilidade Sostible, Administrador de Infraestructuras Ferroviarias (ADIF), Puertos del Estado e Autoridade Portuaria da Coruña.

Tras a publicación na páxina web e o envío das Bases Estratéxicas do proxecto a asociacións veciñais, sociais e culturais, colexios profesionais, empresas portuarias, Universidade, institucións públicas, colectivos empresariais, grupos ecoloxistas, fundacións e sindicatos, entre outras entidades, o proceso participativo continuou coa apertura dun “buzón de suxestións” (que seguirá aberto) e a celebración de cinco talleres temáticos, co mesmo obxectivo de favorecer a participación cidadá e solicitar achegas. Rexistrouse unha altísima resposta da sociedade coruñesa, con numerosas propostas por parte de cidadáns e colectivos.

Con todo iso, prevese convocar en próximas datas o concurso internacional multidisciplinar para definir o Máster Plan que rexerá a transformación dos espazos portuarios e ferroviarios. Este Máster Plan deberá ser propositivo, flexible e innovador, e expoñer unha visión a medio e longo prazo, contemplando distintos escenarios de desenvolvemento.  

Despois do alto nivel participativo dos primeiros talleres celebrados a semana pasada no marco do proxecto Coruña Marítima, a cidadanía coruñesa volve a ter a oportunidades de expresar as súas propostas para a futura fachada marítima da Coruña.  

A Comisión Coruña Marítima (integrada polo Concello da Coruña, Xunta de Galicia, Ministerio de Transportes y Movilidad Sostenible, Puertos del Estado, ADIF e a Autoridade Portuaria) convoca aos coruñeses a participar noutros tres debates temáticos organizados para esta semana.

O primeiro deles, “Equipamento e usos”, será mañá martes, 1 de abril, ás 17:00 na sala Loft de Palexco, ubicada na terceira planta con entrada pola porta lateral. Ademais do público asistente, que poderá expoñer as súas opinións durante a sesión, participarán como invitados expertos da Escola Técnica Superior de Arquitectura, o Colexio Oficial de Arquitectos e representantes de sectores como a cultura, a construcción, o deporte, a sanidade ou o Convention Bureau.

O segundo dos talleres, organizado para o mércores 2 de abril no Palexco ás 17:00, centrarase nas actividades portuarias, de forma que saian potenciadas coa futura reordenación dos peiraos. Participarán representantes dos sectores que traballan ou desenvolven a súa labor día a día no Porto da Coruña: a Lonxa, sector pesqueiro, amarradores, prácticos, consignatarios, distribuidoras, empresas portuarias e clubes náuticos, entre outros colectivos.

O xoves 3 de abril concluirán os talleres co dedicado a “Ecoloxía, medio ambiente, auga e enerxía”, vectores transversais que deben caracterizar ás intervencións que se realicen en todo o ámbito. Neste caso está prevista a participación, ademáis de expertos universitarios en sustentabilidade, paisaxistas, naturalistas e expertos en economía circular.

Estes talleres participativos están orientados a recabar suxerencias para o futuro do Porto e da cidade, como as que están a chegar á páxina web www.corunamaritima.com. Conta cun “buzón” de suxestións, chamado “A túa opinión importa”, que xa recibiu máis de setenta propostas por parte dos cidadáns.  

As achegas que se están solicitando nos talleres e na páxina web serán analizadas e ordenadas por temas, para a súa incorporación ás bases do Máster Plan que se convocará nas próximas semanas co obxectivo de deseñar as liñas mestras da futura fachada marítima da Coruña.

A Comisión Coruña Marítima quere expresar o seu agradecemento a todos os relatores e aos cidadáns que asistiron aos dous primeiros talleres temáticos sobre a transformación da fachada portuaria, que se celebraron este martes e mércores, centrados en economía e innovación, e mobilidade e transporte.

A Comisión (integrada polo Concello da Coruña, Xunta de Galicia, Ministerio de Transportes y Movilidad Sostenible, Puertos del Estado, ADIF e a Autoridade Portuaria) valora moi positivamente o alto nivel das intervencións e o espírito construtivo e propositivo dos asistentes.

No primeiro taller, de economía e innovación, destacou como eixo central a importancia de potenciar a innovación e a economía azul no deseño dos novos espazos portuarios, con propostas concretas ao redor da pesca, industria, turismo industrial, ou a creación de hubs en ámbitos como a loxística, a sanidade ou a educación.

No segundo encontro, dedicado á mobilidade e o transporte, subliñouse a gran oportunidade que se abre para mellorar as conexións coa área metropolitana e reordenar o tráfico público e privado na cidade, cun consenso na necesidade de habilitar un intercambiador de transporte viario e ferroviario, aproveitando as vías férreas que están en desuso no interior do porto para establecer un transporte ferroviario cos municipios limítrofes.

Os talleres retomaranse a próxima semana cos tres encontros que pecharán o ciclo. Todos eles celebraranse en Palexco a partir das 17 horas, con entrada libre e abertos á participación de todos os asistentes que desexen achegar opinións e suxestións.

O martes 1 de abril estará dedicado a equipamento e usos para os actuais espazos portuarios e ferroviarios.

O mércores 2 de abril centrarase nas actividades portuarias, de forma que saian potenciadas coa futura reordenación dos peiraos.

O xoves 3 de abril concluirán os talleres co dedicado a ecoloxía, medio ambiente, auga e enerxía, vectores transversais que deben caracterizar ás intervencións que se realicen en todo o ámbito.

En cada un deles intervirán como relatores especialistas nas diferentes áreas. Contarase con representantes da Universidade, colexios profesionais, asociacións sociais e empresariais, centros de investigación, empresas portuarias, etcétera.

Ademais, segue aberto na web www.corunamaritima.com un “buzón” de suxestións, que xa recibiu máis de 60 propostas por parte dos cidadáns.

As achegas que se están solicitando nos talleres e na páxina web serán analizadas e ordenadas por temas, para a súa incorporación ás bases do Máster Plan que se convocará nas próximas semanas co obxectivo de deseñar as liñas mestras da futura fachada marítima da Coruña.